ضلع بیدر کو کے کے آر ڈی بی کی مالی اعانت:دتاتریہ پاٹل ریوور

ضلع بیدر کو کے کے آر ڈی بی کی مالی اعانت:دتاتریہ پاٹل ریوور

بیدر۔ 19مئی ( ناز میڈیا ) کلیان کرناٹک ریجنل ڈویلپمنٹ بورڈ کے چیئرمین دتاتریا پاٹل ریوورنے کہا کہ کلیان کرناٹک ریجنل ڈویلپمنٹ بورڈ کوویڈ۔19 سمیت کرناٹک کے چھ اضلاع کو ضروری مالی مدد فراہم کرے گا۔17 مئی کو ڈپٹی کمشنربیدر کے اجلاس ہال میں خطاب کرتے ہوئے انہوں نے کہا، کلیان کرناٹک ریجنل ڈویلپمنٹ بورڈ ضلع بیدر، کلبرگی، یادگیر میں ٹینکر خریدنے کے لئے مالی مدد فراہم کرے گا تاکہ آکسیجن کی فراہمی کو آسان بنایا جاسکے۔ متعلقہ اضلاع کے عہدیدار،ضلع کی ڈیزاسٹر مینجمنٹ اتھارٹی ٹنڈر اور دوسری ضروری کام کریں گے۔ وہاں کے ڈپٹی کمشنر کو بتادیاگیاہے۔ ٹینڈر شروع ہوتے ہی آدھی رقم ڈپٹی کمشنر کے کھاتے میں جمع ہوگی۔ انہوں نے مزید کہا کہ رائچور، بیلاری اور کوپل کے تین اضلاع میں ایک ٹینکر کی ضرورت ہوگی۔

تیسری لہر کے لئے تیار رہیں:۔ کوویڈ کے انتظام میں شامل چھ اضلاع کو بورڈ مالی اعانت فراہم کرے گا۔ انہوں نے مزید کہا کہ اب ہم دوسری لہر میں ہیں اور تیسری لہر کے لئے تیاررہنا چاہئے۔ انہوں نے کہا کہ بیدر سرحدی ضلع ہے اس کے جو بھی مطالبات ہیں اسکا فوری بندوبست کیا جائے گا۔ چیرمین نے کہا کہ بریمس اور دوسرے تعلقہ جات میں آکسیجن اور وینٹی لیٹر بیڈ سسٹم کو مزید مستحکم کیا جانا چاہئے۔

منی آکسیجن پلانٹس قائم کریں:۔ بیدرشہر پر دباؤ کم کرنے کے لئے تمام تعلقوں میں منی آکسیجن پلانٹ بنانے کے لئے ایکشن لیا جانا چاہئے۔ بیدر ضلع میں، آبادی کا خیال رکھتے ہوئے جہاں ضروری ہو وہاں پرائمری اور معاشرتی صحت مراکز کی ترقی کے لئے اقدامات کئے جائیں۔ منی آکسیجن پلانٹ بنانے کا منصوبہ جہاں بھی ہووہاں 20 بستر کو 30 بستر تک توسیع دے کر منی آکسیجن پلانٹ قائم کیاجائے۔

محتاط رہیں:۔ اس موقع پر رکن پارلیمان بھگونت کھوبا نے بتایاکہ 24مئی کو لاک ڈاؤن کی میعاد ختم ہونے کے بعد کوویڈ کے معاملات میں اضافہ ہونے کا امکان ہے۔ اس لئے ہمیں ابھی سے بہت محتاط رہنے کی ضرورت ہے۔ بریمس کے مخصوص کوویڈ ہسپتال میں وینٹی لیٹر، آئی سی یو اور پیڈیاٹرک آئی سی یو بیڈ میں اضافہ کریں۔ اگر ڈیجیٹل ایکس رے خریدنا ہے تو مشورہ کریں۔اس موقع پر ڈپٹی کمشنر رام چندرن آر نے کہاکہ آکسیجن پلانٹ لگانے کی تیاری پہلے ہی سے جاری ہے۔ کمال نگر، ہلسورا اور چٹگوپہ کے نئے تعلقوں میں منی آکسیجن پلانٹ بنانے کی تجویز جلد تیار کی جائے گی اور بورڈ کو پیش کی جائے گی۔ انہوں نے مزید کہا کہ یہ امر قابل تحسین ہے کہ متعلقہ اضلاع کے بورڈ آف ڈائریکٹرز نے آکسیجن کی فراہمی کو آسان بنانے کے لئے مستقل طور پر ٹینکر کی خریداری کے لئے ضروری مالی اعانت کا یقین دلایا ہے۔

بریمس کووڈ ہسپتال میں وینٹی لیٹروں کی ضرورت ہے۔ تاہم، برمس کے ڈائریکٹر، ڈاکٹر شیوکمارنے بتایا کہ آکسیجن کی کمی ہے۔ انہوں نے چیرمین کے پوچھے گئے سوال کا جواب دیا۔ڈسٹرکٹ ہیلتھ اینڈ فیملی ویلفیئر ڈاکٹر وی جی ریڈی نے اجلاس کو بتایا کہبیدر ضلع کے چار تعلقوں کے سرکاری اسپتالوں میں، کوویڈ کے لئے 100 بستروں میں سے 50 بستر مختص کیے ہیں۔ چار اسپتالوں میں ہر ایک کو 50 جمبو سلنڈر دیئے گئے تھے۔ ضلع کے 8 کمیونٹی ہیلتھ سینٹرز میں آکسیجن پائپ کاڈیمو لگایاگیاہے۔اجلاس میں ضلع پنچایت سی ای او زہرانسیم، علاقائی ڈپٹی فاریسٹ کنزرویٹر مسٹر شیو شنکر ایس، ایڈیشنل ڈپٹی کمشنر رُدریش گاڑی، ضلع پنچایت کے چیف پلاننگ آفیسر ایس ایس مٹھ پتی اور دیگرموجودتھے۔

NEWS & ADVERTISEMENT CONTACT 9880736910