دہلی کی روہنی عدالت میں گینگ وار ، گینگسٹر جتیندر عرف گوگی سمیت 4 ہلاک

دہلی کی روہنی عدالت میں گینگ وار ، گینگسٹر جتیندر عرف گوگی سمیت 4 ہلاک

نئی دہلی:24 سپتمبر ( ناز میڈیا )گینگسٹر جتیندر گوگی کو ملک کی راجدھانی دہلی کی روہنی عدالت میں دن کی روشنی میں گولی مار کر ہلاک کردیا گیا۔ عدالت میں آئے جتیندر گوگی کی موقع پر ہی موت ہو گئی۔ اس فائرنگ کے تبادلے میں تین سے چار افراد زخمی بھی ہوئے ہیں۔ پولیس نے جوابی کارروائی کرتے ہوئے حملہ آور کو ہلاک کر دی

پولیس ذرائع کا کہنا ہے کہ ٹلو گینگ کے دو شرپسند انکاؤنٹر میں مارے گئے ہیں۔ یہ دونوں شرپسند وکیل کا لباس پہن کر روہنی عدالت میں داخل ہوئے تھے۔ اس نے جتیندر گوگی کو گولی مار دی۔ پولیس ابھی تک ٹلو گینگ کے دونوں شرپسندوں کے ناموں کی تصدیق کر رہی ہے۔ بتایا جا رہا ہے کہ ان کی پرانی دشمنی تھی۔ دارالحکومت میں اس واقعے کے بعد سیکورٹی کے نظام پر سوالات اٹھ رہے ہیں۔

جتیندر گوگی دہلی کے سب سے بڑے گینگسٹروں میں شمار ہوتے تھے۔ دہلی پولیس نے اس پر 4 لاکھ روپے کا انعام رکھا تھا۔ ہریانہ پولیس نے اس پر ڈھائی لاکھ روپے کا انعام بھی رکھا تھا۔ گوگی اور اس کے حواری دہلی کے نریلا علاقے میں ایک مقامی لیڈر وریندر مان کے قتل میں ملوث تھے۔ جیتیندر عرف گوگی پر ہریانہ کی مشہور گلوکارہ ہرشیتا دہیا کے قتل کا بھی الزام ہے۔ دہلی اور ہریانہ جیسی ریاستوں میں یہ غنڈہ پولیس کے نشانے پر تھا