انو کالج آف ٹیچرس ایجوکیشن میں نئے بی ایڈ طلبا و طالبات کا چھ روزہ”دیکشا رمبھ“ پروگرام مکمل

انو کالج آف ٹیچرس ایجوکیشن میں نئے بی ایڈ طلبا و طالبات کا چھ روزہ”دیکشا رمبھ“ پروگرام مکمل

بیدر 10 اکتوبر ( ناز میڈیا ) مولانا آزاد نیشنل اردو یونیور سٹی کے ما تحت چلنے والے مانو کالج آف ٹیچرس ایجوکیشن میں نئے بی ایڈ طلبا و طالبات کا چھ روزہ ”دیکشا رمبھ“ پروگرام مکمل ہو گیا۔ معلوم ہو کہ شہر بیدر میں مرکزی حکومت کے تحت اساتذہ کی تربیت کے لیے قائم کردہ کالج جو کہ شاہ پور گیٹ پر قائم ہے اور2015سے ریگولر و فاصلاتی طرز سے اساتذہ کی تربیت کے کورسز B.Ed. جو کہ NCTE سے منظور شدہ ہیں بخوبی چل رہے ہیں۔ کالج میں موجودہ سیشن کے داخلے مکمل ہونے کے بعد چھ روزہ ”دیکشا رمبھ“پروگرا م یکم اکتوبر سے آٹھ اکتوبر تک منعقد کیا گیا جس میں مولانا آزاد نیشنل اردو یونیورسٹی کے وائس چانسلر، پرووائس چانسلر اور یونیورسٹی کے رجسٹرار صا حب نے شرکت کی اور چار روز تک مجموعی طور پرو گرام جناب پروفیسر سامی صدیقی کی صدارت میں منعقد ہوا‘ ساتھ ہی ساتھ مانو کالج کی طرف سے آخر کے دو روزہ پروگرام کو بیدر میں B.Ed. کے طلبا و طالبات کے لیے منعقد کیا گیا جس کی صدارت کالج کے پرنسپل جناب صداقت علی خان صاحب نے کی۔ بی. ایڈ کورس کے کوآرڈینیٹر جناب محمد طالب اطہر صاحب نے پروگرام کو ترتیب دیا۔ کالج کے دیگر تمام اساتذہ کی شمولیت رہی، ڈاکٹر بوندو راجو، ڈاکٹر رنگانور، ڈاکٹر نوین کمار اور ڈاکٹر حنا حسن میڈم نے نئے طلبا و طالبات کو بی.ایڈ سے متعلق تمام معلومات فراہم کیں۔ اس موقع پر کالج کے پرنسپل جناب صداقت علی خان صاحب نے طلبا و طالبات سے خطاب کرتے ہوے اساتذہ کی تربیت کی اہمیت پر روشنی ڈالی اور کورس سے تعلق رکھتے ہوے اہم نکات کو پیش کیا ساتھ ہی ساتھ طلبا و طالبات کی حوصلہ افزائی بھی کی۔ کالج کے دیگر تمام اساتذہ نے بھی بی. ایڈ کورس کے مختلف نکات سے طلبا کو روشناس کروایا۔