طلباءکی ہمہ جہت ترقی ۔ وزڈم کا طرز تعلیم و تربیت: منسٹر بھگونت کھوبا وزڈم انسٹی ٹیوشنس بیدر کے فناتھان ۔ اسپورٹس کا شاندار اختتام

بیدر۔ 26 نومبر ( ناز میڈیا اردو )فصیحہ بانو خان اکیڈمک ڈائرکٹر وزڈم انسٹی ٹیوشنس بیدر کی پریس ریلیز کے مطابق شری بھگونت کھوبا مرکزی وزیر برائے کیمیکل و فرٹیلائزرنے 24 نومبر 2022ء کو نہرو اسٹیدیم بیدر میں وزڈم فناتھان (اسپورٹس میٹ 2022ء؁) کے تقسیم انعامات و اختتامی جلسہ سے مہمان خصوصی کی حیثیت سے خطاب کرتے ہوئے کہاکہ میں وزڈم کے چیر مین محمد آصف الدین صاحب اور ان کے تمام اسٹاف کو مبارک باد دیتا ہوں کہ وہ کس طرح پورے نظم و ضبط کے ساتھ طلباء کو پریڈ کرایا، دیش بھکتی اور قومی ترانہ کے ساتھ کرناٹک راجیہ کا کنڑا میں گیت گایا، طلباء سے اجتماعی طور پر عہد (Oath)لیا گیا، جس میں اپنے وطن سے محبت، وفاداری، ایکتا اور اکھنڈتا کے لیے بچوں نے اپنے عزم کا اظہار کیا۔

(جس پر اسٹیڈیم میں موجود تمام لوگ کھڑے ہو کر طلباء کے ساتھ بھارت دیش کے تئیں اپنی گہری وابستگی اور یگانگت کا عہد کیا)طلباء کے 6 مختلف ہاؤسس (گروپس) 6 مختلف کلر کے ڈریس پہنے دلفریب اور بڑا متاثر کن منظر لگا۔کرناٹک کے معروف و ہر دل عزیز نو جوان ہیرو پونیت راجکمار مرحوم کے تئیں اپنے گہرے رنج و غم کا اظہار ان کی بڑی فوٹو بتا کر کیا۔ان تمام پروگراموں سے مجھے اندازہ ہوا کہ وزڈم صرف اکیڈمک تعلیم ہی نہیں دیتا بلکہ بچوں کے ہمہ جہت ترقی پر تربیت کر رہا ہے۔ وزڈم کے شاندار نتائج اور کارکردگی سے معلوم ہوا کہ وزڈم ایک لیڈنگ اسکول و کالج کی حیثیت سے آگے بڑھ رہا ہے۔ جناب رحیم خان صاحب MLA بیدر نے اپنے مختصر خطاب میں کہا کہ آصف صاحب اصولوں اور اقدار کے پابند ہیں اس لیے ان کے اسکول اور کالج کے طلباء میں ڈسپلن کا اثر ہم دیکھ رہے ہیں، طلباء اور اولیاء طلباء کو مبارک باد پیش کی۔ڈاکٹر عبد القدیر صاحب چیر مین شاہین نے کہا کہ تعلیمی اداروں کو ایک دوسرے کی کارکردگی دیکھ کر سیکھنا چاہیے۔آج ہمیں وزڈم فناتھان سے بہت کچھ سیکھنے کا مو قع ملا۔ مقابلہ جات میں اول انعام حاصل کرنے والے طلباء و طالبات نبیلہ فاطمہ گریڈ 1 جمپنگ ریس،حفصہ میسون گریڈ 1 واٹر گیم، نقیب الدین گریڈ 2 جمپنگ ریس، سیدہ حورا Twinkling star کراولنگ ریس، ابو ذر جماعت دہم رننگ ریس، ندا جماعت ششم رننگ ریس، پون کمار و ٹیم جماعت دہم کرکٹ، ضحیٰ خان جماعت ہفتم شرٹ پوٹ، ہادیہ جماعت نہم لانگ جمپ، عروشہ اینڈ ٹیم جماعت ہفتم ٹیگ آف وار، ادیبہ جماعت دہم اسکپنگ، مدثرجماعت دہم روپ کلامبنگ، عمران انصاری جماعت دہم روپ کلامبنگ، سدرہ جماعت دہم روپ کلامبنگ، فاطمہ جماعت نہم روپ کلامبنگ کو منسٹر صاحب، MLA صاحب اور مہمانان کے بدست ٹرافی اور انعامات سے نوازا گیا۔جناب محمد آصف الدین صاحب چیر مین وزڈم گروپ آف انسٹی ٹیوشنس نے منسٹر بھگونت کھوبا کی تہنیت کی اور مومنٹو پیش کیا، جبکہ محمد صلاح الدین فرحان سکریٹری وزڈم نے MLA رحیم خان صاحب اور ڈاکٹر عبد القدیر صاحب کی تہنیت پیش کی۔ سردار بلبیر سنگھ چیر مین GND انسٹی ٹیوشنس بیدر کو حکومت کرناٹک نے راجیہ اتسو ایوارڈ سے یکم نومبر 2022 ء کو نوازا ہے، جس پر انہیں وزڈم کی جانب سے مبارک باد پیش کرتے ہوئے محمد آصف الدین نے ان کی تہنیت کی۔ مہمانان میں CA امیش آر ملمنی جی، مسٹریس ونیتا پرنسپال اَپّا انجینئرنگ کالج بیدر، محمدفیاض HKGN، مجتبیٰ خان معاون امیر JIH بیدر، طہ کلیم اللہ سکریٹری JIHبیدر، عبد السلام مبشر سندھے صدرWPI ضلع بیدر و سکریٹری الامین بیدر، نثار احمد پانی منتری، CMC کونسلرس، BEO, DDPU, DDPI موجود تھے۔محمد آصف الدین صاحب نے اپنے استقبالیہ خطبہ میں منسٹر صاحب سے کہا کہ وہ صرف وزڈم کی ہی نہیں بلکہ بیدر کے سارے میناریٹیز انسٹی ٹیوشنس کو آپ کی مدد کی ضرورت ہے۔لہذ ا بیدر کے میناریٹیز کے لیے وہ خصوصی توجہ دیں کہ پورے ملک میں بیدر مینارٹیز کے ڈیولپمنٹ میں ایک مثال بن جائے۔حکومت ہند کے مختلف اسکیمات سے زیادہ سے زیادہ اقلیتی اداروں کو جو ابھی تک محروم رہے ہیں دلانا آپ(ایم پی صاحب) کی ذمہ داری ہے۔ آخر میں محمد صلاح الدین فرحان نے تمام مہمانان، پیارنٹس، طلباء، اساتذہ اور وزڈم کے تمام ٹیموں کا شکریہ ادا کیا۔اسکول کے تما م طلباء نے (20سے زائد Outdoorاور 10 سے زائد Indoor) گیمس میں حصہ لیا،محترمہ بشریٰ جمال صاحبہ مینجنگ ٹرسٹی نے اس موقع پر کہا کہ تمام طلباء کو مومنٹو اور سرٹیفکٹ دیا جائے گا۔ پروگرام کا آغاز معتضد ایان طالب علم شعبہ حفظ کی تلاوت کلام اللہ سے ہوا۔ نظامت کے فرائض فصیحہ بانو خان اور روپا رانی نے بحسن و خوبی انجام دیا۔ٹیم لیڈرس سلیم سر، عائشہ رضوانہ، حنا کوثر، سنیتا کماری، مفتی افسر علی نعیمی ندوی، مولانا شاکر حسین نے اپنی ٹیم کے ساتھ انتظامات سنبھالے۔

NEWS & ADVERTISEMENT CONTACT 9880736910