تپ دق کو ختم کرنے کیلئے سب کا تعاون ضروری ہے : ڈپٹی کمشنر
بیدر 25 مارچ ( ناز میڈیا اردو )ہمارے ملک کے وزیر اعظم نے 2025 تک ہندوستان کو تپ دق سے پاک بنانے کا ہدف رکھا ہے اور محکمہ صحت اس سلسلے میں اچھا کام کر رہا ہے اور اس کیلئے مختلف تنظیموں اور عوام کے تعاون کی ضرورت ہے۔ یہ بات ڈپٹی کمشنر بیدر مسٹر گویند ریڈی نے کہی ۔ وہ آج شہر میں ضلع ہیلتھ اینڈ فیملی ویلفیئر ڈیپارٹمنٹ کے دفتر کے کانفرنس ہال میں ضلع انتظامیہ، ضلع پنچایت بیدر، محکمہ صحت اور خاندانی بہبود کے کے زیر اہتمام منعقد عالمی یوم تپ دق پروگرام کے افتتاح کے موقع پر خطاب کر رہے تھے۔ انہوں نے بتایا سال 2022 میں ضلع میں تپ دق کے 3050 کیسز ریکارڈ کئے گئے جن میں سے 2818 کیسز کا خاتمہ کیا گیا انہوں نے کہا کہ کرناٹک کے تمام اضلاع کے محکمہ صحت بھی خاطر خواہ خدمات فراہم کر رہے ہیں اور کرنا تک کو قومی سطح پر تپ دق کے خاتمے میں دوسرا مقام حاصل ہوا ہے۔ یہاں کے سماجی کارکن بالواسطہ طور پر تپ دق کے مریضوں کو گود لے کر اور ان کے میڈیکل اور نان میڈیکل الاؤنسز ادا کر کے تپ دق کے خاتمے میں اپنا حصہ ڈال رہے ہیں۔ اس طرح مزید تعاون کیا جائے تو ضلع میں تپ دق کا خاتمہ ہو سکتا ہے۔ انہوں نے کہا کہ عطیہ دہندگان کی جانب سے تپ دق کے مریضوں کے کھاتوں میں پہلے ہی 40 لاکھ روپئے جمع کرائے جاچکے ہیں۔ ضلع صحت اور خاندانی بہبود افسر رتی کانت سوامی نے کہا کہ ضلع کی 14 گرام پنچایتوں کی نشاندہی کی گئی ہے اور ان کا مقصد انہیں تپ دق سے پاک پنچائیتیں بنانا ہے۔ ہمیں ملنے والے ایوارڈس مزید ذمہ داری لاتے ہیں۔ انہوں نے کہا کہ آنے والے دنوں میں سب کو مل کر کام کرنا چاہیے اور مریض بھی بیمار ہونے پر بلا خوف علاج کروائیں ۔ ڈاکٹر گر پا نا گمار پلی فاؤنڈیشن کے صدر سوریہ کانت ناگمار پلی نے کہا کہ محکمہ صحت کا عملہ ہماری زندگی میں بھگوان کی طرح ہے۔ ملک میں ہر ڈیڑھ منٹ میں تپ دق کا ایک مریض فوت ہو جاتا ہے۔ انہوں نے کہا کہ محکمہ صحت اس پر قابو پانے کی کوشش کر رہا ہے اور اگر ہم بھی محکمہ صحت کے ساتھ تعاون کریں تو اس موذی مرض کو روکا جاسکتا ہے۔ بریمس کے نوڈل آفیسر ڈاکٹر مہیش نے تپ دق پر لیکچر دیا۔ پروگرام کے آغاز سے قبل یہ جلوس محکمہ صحت اور خاندانی بہبود کے دفتر سے شروع ہو کر محکمہ صحت اور خاندانی بہبود کے دفتر سے شروع ہو کر تپ دق کے خاتمے کے حوالے سے کئی نعروں کے ساتھ لوگوں میں بیداری پیدا کرتا ہوا دوبارہ محکمہ صحت کے دفتر پہنچا۔ اس موقع پر بیدر بریمس کے ڈائریکٹر ڈاکٹر شیوکمار، ڈسٹرکٹ سرجن ڈاکٹر مہیش برادر ، سرجن ڈاکٹر یوگیش کا مٹی ضلع تپ دق کے خاتمے کے افسر اور دیگر موجود تھے۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
0 تبصرے