شیوکمار کے دہلی پہنچتے ہی کانگرس میں بڑی ہلچل
نئی دہلی 16 مئی ( ناز میڈیا اردو )کرناٹک کانگرس کے صدر اور وزیر اعلیٰ کے عہدے کے امیدوار ڈی کے شیوکمار کی منگل کو یہاں آمد کے ساتھ ہی وزیر اعلیٰ کے انتخاب پر پارٹی میں ہلچل تیز ہو گئی۔ مسٹر کمار کو پارٹی قیادت نے پیر کو بات چیت کے لیے دہلی بلایا تھا لیکن وہ خرابی صحت کی وجہ سے نہیں آئے۔ ہائی کمان کے حکم پر وزیر اعلیٰ کے عہدے کے دوسرے دعویدار مسٹر سدارامیا کل ہی یہاں آئے تھے اور اعلیٰ لیڈروں کے ساتھ ساتھ پارٹی کے دیگر لیڈروں سے بھی بات کر رہے ہیں
مسٹر شیوکمار جیسے ہی دہلی پہنچے، کانگرس لیڈر راہل گاندھی اس مسئلہ پر بات چیت کرنے پارٹی صدر ملک ارجن کھڑگے کی رہائش گاہ پہنچے۔ سمجھا جاتا ہے کہ مسٹر شیوکمار دونوں لیڈروں کے ساتھ صدر کی رہائش گاہ پر بات چیت کریں گے۔ دہلی روانہ ہونے سے پہلے کرناٹک کانگرس کے صدر نے بنگلورو میں کہا کہ پارٹی کے سامنے چیلنج عام انتخابات میں کرناٹک سے 20 لوک سبھا سیٹیں جیتنا ہے۔
انہوں نے یہ بھی کہا کہ کرناٹک کانگرس متحد ہے اور پارٹی کو مضبوط کرنے کے لئے سب مل کر کام کریں گے۔ دریں اثنا کرناٹک کے سینئر لیڈر بی کے ہری پرساد نے کہا کہ لیجسلیچر پارٹی کے انتخابات کے سلسلے میں نومنتخب اراکین اسمبلی سے رائے لینے بنگلور گئی مرکزی مبصرین کی ٹیم نے اپنی رپورٹ ہائی کمان کو سونپ دی ہے اور اس کی بنیاد پر نئے سربراہ کا انتخاب کیا جائے گا۔ خیال رہے کہ کانگرس لیجسلیچر پارٹی نے اتوار کو پارٹی صدر کو نیا لیڈر منتخب کرنے کا اختیار دیا تھا۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
0 تبصرے