نارائن پیٹ کے عازمین کاقافلہ حیدرآباد حج ھاوس کے لئے روانہ
نارائن پیٹ، 13۔ جون(ناز میڈیا اردو )۔ نارائن پیٹ ضلع کے عازمین حج کا قافلہ جملہ27 افراد پرمشتمل بارگاہ حضرت تقی باباؒ سے تلبیہ کی گونج میں حیدر آباد کے لئے روانہ ہوا۔ نارائن پیٹ ضلع ایڈ یشنل ایس پی ناگیندر راو'چیرمین بلدیہ گندے انوسیا چندرکانت نارائن پیٹ نے ہری جھنڈی دکھا کرقافلہ کو روانہ کیا۔اس سے قبل بارگاہ حضرت تقی باباؒ پرعازمین حج کی تہنیتی تقریب منعقد ہوئی۔ سید شاہ غیاث الدین قادری سجادہ نشین نے عازمین حج اورحج سوسائٹی نارائن پیٹ کے ذمہ داران کی شال پوشی وگلپوشی کی۔ اس سے قبل مولانا فاروق بن مخاشن نظامی نے حج کے متعلق تفصیلات سے واقف کروایا۔ایڈیشنل ایس پی ناراٸن پیٹ نے عازمین حج سے درخواست کی کہ وہ نارائن پیٹ میں امن وامان کی برقراری اور نارائن پیٹ کی ترقی کے لئے خصوصی دعا کریں۔میونسپل چیرمین گندے انوسیا چندرکانت نارائن پیٹ کے عازمین حج کو مبارکباد پیش کی اور ریاست تلنگانہ کی خوشحالی اور نارائن پیٹ کی ترقی کے لئے دعاؤں کی گزارش کی۔صدرحج سوسائٹی نارائن پیٹ امیرالدین ایڈوکیٹ،مولانا سید احمد حسینی اشرفی جلالی جانشین سجادہ بارگاہ قتالیہ کولم پلی،عبدالسلیم ایڈوکیٹ، خلیل احمد تاج،مجاہد صدیقی، محمد حسن مڑکی، محمد اعجاز، تاج الدین ٹنگلی، محمد ریاض رنگریز،اے آر الرحمن، سرفرازحسین،عظیم مڑکی، غوث چاند ودیگر موجود تھے۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
0 تبصرے