عمرہ زائرین کیلئے وزارت حج کی نئی ہدایات
ریاض 8 اگست ( ناز میڈیا اردو )سعوی وزارت حج و عمرہ نے کہا ہے کہ سعودی قوانین کی خلاف ورزی سے بچنے کے لیے عمرہ زائرین مسجد الحرام آمد سے قبل عمرہ پرمٹ ضرور حاصل کرلیں۔میڈیا کے مطابق وزارت حج و عمرہ نے بیان میں زائرین سے کہا ہے کہ وہ عمرہ پرمٹ حاصل کرکے مقررہ قوانین کی پابندی میں تعاون کریں۔ وزارت کا کہنا ہے کہ عمرے کیلئے مسجد الحرام پہنچنے سے قبل پرمٹ کا اجرا ضروری ہے، ایسا نہ کرنا عمرہ قوانین کی خلاف ورزی ہو گا۔وزارت کا کہنا ہے کہ زائرین نسک اور توکلنا ایپ پر عمرہ پرمٹ جاری کرا سکتے ہیں۔علاوہ ازیں سعودی وزارت حج و عمرہ نے موسم گرما میں عمرہ کیلئے تین ہدایات جاری کی ہیں۔ سعودی وزارت حج و عمرہ نے بیان میں کہا کہ موسم گرما میں عمرہ کرتے وقت ڈاکٹر سے مشاورت کی جائے۔ وزارت کا کہنا ہے کہ موسم گرما میں عمرہ کیلئے مناسب وقت کا انتخاب ضروری ہے۔ ایسے اوقات کا انتخاب کیا جائے جب درجہ حرارت معتدل ہو۔ایک اور بات کی پابندی ضروری ہے وہ یہ کہ مسجد الحرام پہنچنے کے بعد اورعمرہ شروع کرنے سے قبل آرام کا وقفہ لیا جائے۔اس سے قبل وزرت حج نے عمرہ زائرین سے کہا تھا کہ وہ منتظمین کے ساتھ تعاون کریں، ہدایات کی پابندی کریں اور عمرہ کرتے وقت اچھے اخلاق کا مظاہرہ کریں۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
0 تبصرے