اقدار پر مبنی ادب کی تخلیق ، ایمانیات کے علم کو تازہ کرنے پر پر زورادارہ ادب اسلامی ہند گلبرگہ کے زیر اہتمام رسم اجرائی و ادبی نشست کا کامیاب انعقاد
گلبرگہ 2 نومبر ( ناز میڈیا اردو ) ادارہ ادب اسلامی ہند گلبرگہ کے زیر اہتمام کل رات 9 بجے ہدایت سنٹر گلبرگہ میں رسم اجرائی و ادبی نشست کا کامیاب انعقاد عمل میں آیا ماہر امراض اطفال معروف دینی قلم کار ڈاکٹر معظم علی کی کتاب معبود کی معرفت کی رسم اجراء ذاکر حسین امیر مقامی جماعت اسلامی ہند گلبرگہ نے انجام دی عبد الحمید چیرمین فاران ایجوکیشن سوسائٹی گلبرگہ نے صدارت کی محمد مظہر الدین ناظم ضلع جماعت اسلامی ہند گلبرگہ سینئر صحافی عزیز اللّٰہ سرمست ایڈیٹر روزنامہ بہمنی نیوز گلبرگہ نے مہمانان خصوصی کی حیثیت سے شرکت کی
قاضی عبدالمحیط صدر ادب اسلامی گلبرگہ نے افتتاحی کلمات میں بتایا کہ شعراء و ادباء کو اسلامی ادب کو فروغ دینے کی ترغیب دلانے کے مقصد کے تحت جماعت اسلامی ہند کے تحت ادارہ ادب اسلامی ہند قائم کیا گیا ہے انہوں نے ادبا و شعرا پر زور دیا کہ وہ روایتی ادب تخلیق کرنے کے بجائے نئی جہتیں تلاش کریں پروفیسر محمد عظمت اللّٰہ خان نے کتاب معبود کی معرفت پر نہایت جامع تعارفی مضمون پیش کرتے ہوئے کتاب کی خصوصیات پر بھرپور روشنی ڈالی انہوں نے کتاب کے تمام ابواب کا جائزہ لیتے ہوئے کہا کہ دنیا بھر میں معبود کے بہت سارے تصورات ہیں لیکن ڈاکٹر معظم علی نے اپنی کتاب معبود کی معرفت میں معبود کے حقیقت پسندانہ اور اسلامی تصور کو ٹھوس عقلی دلائل کے ساتھ پیش کیا ہے ڈاکٹر محمد معظم علی نے اپنی کتاب کی رسم اجراء کیلئے ادارہ ادب اسلامی ہند گلبرگہ کے ارباب سے اظہار تشکر کیا انہوں نے موجودہ دور میں انسانیت کے گرتے ہوئے معیار کو سنبھالنے کیلئے ایمانیات کے علم کو تازہ اور اس پر یقین کو پختہ کرنے کی ضرورت پر زور دیا اور بتایا کہ اسی مقصد کے تحت انہوں نے معبود کی معرفت کتاب شائع کی ہے بعد ازاں ادبی نشست منعقد ہوئی سینئر افسانہ نگار نجم باگ نے جدید افسانہ معروف نقاد و ادیب ڈاکٹر غضنفر اقبال نے اردو فکشن اخلاقی اقدار کی روشنی میں کے زیر عنوان مضمون معروف طنز و مزاح نگار منظور وقار جوائنٹ سیکریٹری ادارہ ادب اسلامی ہند گلبرگہ نےآن بان شان فقراء کی کے زیر عنوان نہایت پرمزاح اور طنزیہ انشائیہ سنایا اور محفل کو زعفران زار بنادیا سامعین منظور وقار کے پرمزاح اور طنزیہ جملوں سے خوب محظوظ ہوئے ڈاکٹر غضنفر اقبال نے کہا کہ اخلاقیات کا ادب سے بڑا گہرا تعلق رہا ہے انہوں نے اخلاقیات سے انحراف کو ادب کی اہمیت کو بے وقعت بنانے کے مترادف قرار دیا ڈاکٹر غضنفر اقبال نے اپنے مضمون میں واضح کیا کہ تمام مذاہب میں اخلاقی تعلیم کو بہت زیادہ اہمیت دی گئی ہے بزرگان دین سلف صالحین کی تعلیمات اخلاقی و اصلاحی ادب کا حصہ ہیں سینئر افسانہ نگار نجم الدین باگ نے مکافات کے زیر عنوان نہایت متاثر کن افسانہ پیش کیا جس میں انہوں نے یہ پیغام دینے کی کامیاب کوشش کی کہ دنیا کو ہی سب کچھ نہ سمجھا جائے بلکہ آخرت کی جوابدہی کو ہمیشہ ملحوظ رکھا جائے افسانہ میں مسجد کے امام کے توکل انسانی ہمدردی کے جذبہ اور مسجد کے ذمہ داران و دولت مندوں کی آخرت فراموشی کو اثر انگیز پیرائے میں بیان کیا گیا ممتاز ادیب ڈاکٹر پیر زادہ فہیم الدین صدر انجمن ترقی اردو ہند شاخ گلبرگہ نے افسانے مضمون اور انشائیہ پر تبصرہ کرتے ہوئے نجم الدین باگ ڈاکٹر غضنفر اقبال اور منظور وقار کی تخلیقی صلاحیتوں کی بھرپور ستائش کی انہوں نے منظور وقار کو کامیاب مزاح نگار نجم الدین باگ کے افسانوں کی زبان کو منفرد بتاتے ہوئے کہا کہ وہ بڑے خوبصورت جملے استعمال کرتے ہیں انہوں نے ڈاکٹر غضنفر اقبال کو باشعور ادیب قرار دیتے ہوئے کہا کہ ڈاکٹر غضنفر اقبال نے ایک نامور ادیب کے فرزند ہونے کے باوجود اپنی ادبی شناخت کو منوایا ہے سینئر صحافی عزیز اللّٰہ سرمست نے کتاب معبود کی معرفت کے حوالہ سے کہا کہ مصنف نے کتاب میں عبد اور معبود کے درمیان ایمانی تعلق کو مضبوط بنانے کیلئے ٹھوس عقلی دلائل پیش کئے ہیں انہوں نے بگڑتے انسانی رشتوں باالخصوص ادبا و شعرا کے مابین جاری رنجشوں پر گہری تشویش کا اظہار کرتے ہوئے کہا کہ عبد اور عبد کے مابین بھی اخوت کا رشتہ قائم کرنے کیلئے کام کرنے کی ضرورت ہے عزیز اللّٰہ سرمست نے ادارہ ادب اسلامی ہند کی بھرپور ستائش کرتے ہوئے کہا کہ اقدار پر مبنی اور اسلامی ادب تخلیق کرنے کی ترغیب دینے کے ساتھ ساتھ ادارہ ادب اسلامی کے تحت ادبا و شعرا کے دلوں کی صفائی پر بھی توجہ دینے کی کوششیں ہونی چاہئیے محمد مظہر الدین ناظم ضلع جماعت اسلامی ہند گلبرگہ نے کہا کہ جماعت اسلامی ہند کے تحت ادارہ ادب اسلامی ادبا و شعرا کو اسلامی ادب تخلیق کرنے کی ترغیب دینے کیلئے مسلسل کوشاں ہے اس مقصد کے تحت ادبی ماہنامہ پیشرفت کی اشاعت کو انہوں نے جماعت اسلامی ہند کا غیر معمولی کارنامہ قرار دیا عبدالحمید صاحب نے صدارتی تقریر میں ادبا و شعرا پر زور دیا کہ وہ مطالعہ کو وسیع کریں فنی محاسن اور معیار کا بھرپور خیال رکھیں اور بامقصد ادب تخلیق کریں انہوں نے علامہ اقبال مرزا غالب اور جگر مرادآبادی کے اشعار کے حوالے سے بتایا کہ شاعر کا تخیل کس قدر بلند ہونا چاہیئے انہوں نے مادری زبان کی اہمیت کو بیان کرتے ہوئے کہا کہ اللّٰہ تعالیٰ نے ماں کے سینے میں دودھ کے ساتھ زبان کی چاشنی بھی رکھی ہے عبد الحمید صاحب نے ادارہ ادب اسلامی ہند گلبرگہ کے تحت شعری نشست کا بھی اہتمام کرنے کا مشورہ دیا عارف مرزا سیکریٹری ادب اسلامی ہند گلبرگہ نے نہایت خوش اسلوبی کے ساتھ نظامت کی سراج شحنہ خازن ادارہ ادب اسلامی ہند گلبرگہ نے آخر میں شکریہ ادا کیا شعرا ادبا ارکان جماعت اسلامی ہند کے علاوہ باذوق سامعین کی کثیر تعداد نے شرکت کی
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
-
0 تبصرے