مہاراشٹرسمیت کرناٹک اورتلنگانہ میں زلزلے کے جھٹکے، کئی علاقوں میں لرزاٹھی زمین
ممبئی20 نومبر ( ناز میڈیا اردو )مہاراشٹر میں آج صبح زلزلے کے شدید جھٹکے محسوس کیے گئے۔ نیشنل سینٹر فار سیسمولوجی کے مطابق زلزلے کا مرکز مہاراشٹر کے ضلع ہنگولی میں تھا اور اس کی شدت 3.5 بتائی گئی ہے۔ تاہم ابھی تک زلزلے سے جانی و مالی نقصان کے بارے میں کوئی اطلاع موصول نہیں ہوئی ہے۔ نیشنل سینٹر فار سیسمولوجی کے مطابق یہ زلزلہ صبح 5.09 بجے آیا اور اس کا مرکز زمین کی سطح سے 5 کلومیٹر نیچے تھا۔ مہاراشٹر کے علاوہ تلنگانہ اور کرناٹک تک زلزلے کے جھٹکے محسوس کیے گئے۔ زلزلے کا مرکز تلنگانہ کے دارالحکومت حیدرآباد سے 255 کلومیٹر اور ناگپور سے 265 کلومیٹر دور بتایا جارہاہے۔ہم آپ کو بتادیں کہ گزشتہ اتوار یعنی 19 نومبر کی شام کو بحیرہ عرب میں بھی زلزلے کے جھٹکے محسوس کیے گئے تھے۔ نیشنل سینٹر فار سیسمولوجی کے مطابق اتوار کی شام 6 بجکر 36 منٹ پر بحیرہ عرب میں زلزلہ آیا۔ جس کی شدت ریکٹر اسکیل پر 4.5 ناپی گئی۔ یی بھی پڑھیں:اتوار کو نیپال اور جموں و کشمیر کے ڈوڈہ میں بھی زلزلے کے جھٹکے محسوس کیے گئے۔ گزشتہ اتوار، 3.45 بجے، جموں و کشمیر کے ڈوڈا میں صبح 11:30 بجے 3.9 اور 2.6 شدت کا زلزلہ آیا۔
جانتے ہیں زلزلہ کیوں آتا ہے؟
یادر ہے کہ زمین کی موٹی تہہ جسے ٹیکٹونک پلیٹس کہا جاتا ہے، اپنی جگہ سے ہلتی رہتی ہے۔ یہ پلیٹیں عموماً ہر سال تقریباً 4۔5 ملی میٹر تک اپنی جگہ سے ہٹتی ہیں۔ اس دوران کبھی ایک پلیٹ دوسری پلیٹ کے قریب آتی ہے اور کبھی دور ہو جاتی ہے۔ اس ترتیب میں بعض اوقات یہ پلیٹیں ایک دوسرے سے ٹکرا جاتی ہیں۔ ایسے ہی حالات میں زلزلہ آتا ہے اور زمین ہل جاتی ہے۔ یہ پلیٹیں سطح سے تقریباً 30 سے 50 کلومیٹر نیچے ہیں۔
اپنے آپ کو بچانے کا طریقہ جانتے ہیں؟
زلزلہ آئے تو سب سے پہلے گھر سے باہر نکل کر کسی کھلی جگہ کی طرف ڈور یں ۔ اگر آپ گھر میں پھنسے ہوئے ہیں تو بستر یا مضبوط میز کے نیچے چھپ جائیں۔ گھر کے کونے میں کھڑے ہو کر بھی آپ خود کو بچا سکتے ہیں۔ زلزلے کے دوران دفتر یا عمارت کی لفٹیں استعمال نہ کریں۔ درختوں اور بجلی کے کھمبوں سے دور رہیں۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
-
0 تبصرے