نئے سال پر خوشخبری، رسوئی گیس کے دام میں کمی، یہ ہیں نئی قیمتیں
نئی دہلی1 جنوری ( ناز میڈیا اردو ) نئے سال کے پہلے دن عوام کے لئے خوشخبری آئی ہے۔ کمرشیل ایل پی جی کی قیمتوں میں 1.50 روپے سے 4.50 روپے تک کی کمی کی گئی ہے۔ آئل مارکیٹنگ کمپنیوں نے 19 کلو کمرشیل گیس سلنڈر کی قیمت میں تبدیلی کی ہے۔ تاہم گھریلو گیس کی قیمتوں میں کوئی تبدیلی نہیں کی گئی۔ اس سے پہلے 22 دسمبر 2023 کو بھی کمرشیل گیس سلنڈر کی قیمتوں میں کمی کی گئی تھی۔ آئل مارکیٹنگ کمپنیاں ہر ماہ گیس کی قیمتوں پر نظر ثانی کرتی ہیں۔ یکم جنوری 2024 کو بھی بہت معمولی لیکن قیمت میں تبدیلی کی گئی ہے۔ دہلی میں کمرشیل ایل پی جی کی قیمت میں 1.50 روپے کی کمی کی گئی ہے۔ قیمتوں میں کمی کے بعد راجدھانی دہلی میں کمرشیل ایل پی جی کی قیمت 1755.50 روپے ہوگئی ہے۔ پہلے یہ دہلی میں 1757 روپے میں مل رہا تھا۔ کولکاتہ میں کمرشیل ایل پی جی کی قیمتوں میں 50 پیسے کا اضافہ کیا گیا ہے۔ یہاں اس کی قیمت 1869 روپے ہوگئی ہے۔ ممبئی میں 19 کلو کے سلنڈر کی قیمت 1710 روپے سے کم ہو کر 1708.50 روپے ہو گئی ہے۔ وہیں چنئی میں ایل پی جی کی قیمت 1929 روپے سے کم ہو کر 1924.50 روپے ہو گئی ہے۔ آپ IOCL کی ویب سائٹ پر جا کر اپنے شہر میں کمرشیل ایل پی جی کی قیمتیں چیک کر سکتے ہیں۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
-
0 تبصرے