وزیر اعظم مودی منگل کو کولکاتا میں روڈ شو کریں گے
کولکاتا، 27 مئی ( ایجنسی )۔ وزیر اعظم نریندر مودی لوک سبھا انتخابی مہم کے سلسلے میں منگل کو کولکاتا آئیں گے۔ وہ یہاں شمالی کولکاتہ سیٹ سے بی جے پی امیدوار تپس رائے کی حمایت میں روڈ شو کریں گے۔ وزیر اعظم کا روڈ شو شمالی کولکاتا کے شیام بازار پنچ مٹھا موڈ سے شروع ہو کر شملہ اسٹریٹ پر سوامی وویکانند کی رہائش گاہ پر ختم ہوگا۔
ووٹنگ سے پہلے کولکاتا میں وزیر اعظم نریندر مودی کا یہ پہلا روڈ شو ہوگا۔ وزیر اعظم شیام بازار کے پنچ مٹھ موڈ میں نیتا جی کو خراج عقیدت پیش کرکے پروگرام کا آغاز کریں گے۔ وزیر اعظم سوامی وویکانند کے گھر جائیں گے اور وہاں سوامی جی کو خراج عقیدت پیش کرتے ہوئے پروگرام کا اختتام کریں گے۔
وزیر اعظم کے ساتھ ریاستی اسمبلی میں قائد حزب اختلاف شوبھیندو ادھیکاری، بی جے پی کے ریاستی صدر سوکانت مجمدار اور شمالی کولکاتا سے بی جے پی امیدوار تپس رائے بھی موجود ہوں گے۔ وزیر اعظم کے روڈ شو میں بنگال کی مختلف ثقافتی خصوصیات بشمول دھک اور قبائلی رقص کی نمائش کی جائے گی۔
دارالحکومت کولکاتا میں پروگرام سے پہلے وزیر اعظم مودی شمالی 24 پرگنہ کے اشوک نگر اور جنوبی 24 پرگنہ کے باروئی پور میں جلسہ عام کریں گے۔ کولکاتا میں روڈ شو کے بعد وزیر اعظم منگل کی رات راج بھون میں رات گزارنے والے ہیں۔ اس کے بعد 29 مئی کو مودی جنوبی 24 پرگنہ کے متھرا پور میں ایک اور انتخابی ریلی سے خطاب کریں گے۔ بی جے پی کے ریاستی صدر سوکانت مجمدار نے دعویٰ کیا ہے کہ کولکاتا میں وزیر اعظم کا روڈ شو تاریخی نوعیت کا ہوگا۔
NEWS & ADVERTISMENT CONTACT 9880736910
NEWS & ADVERTISMENT CONTACT 9880736910
NEWS & ADVERTISEMENT CONTACT 9880736910
0 تبصرے