حاملہ ہونے کے بعد بھی خاتون آئی پی ایس مسلسل فیلڈ ورک میں
امریا،31 مئی (نامہ نگار )۔2016 بیچ کی آئی پی ایس نویدیتا نائیڈو نے 25 ویں بٹالین منڈلا سے تبادلہ ہونے کے بعد 3 اگست 2023 کو امریا ضلع کے ایس پی کا عہدہ سنبھالا تھا۔ عہدہ سنبھالنے کے بعد وہ مسلسل ضلع میں امن و امان کی صورتحال کو بہتر بنانے میں مصروف ہیں۔ انہوں نے اپنی ترجیحات میں حساس پولیسنگ، سائبر کرائمز پر کنٹرول، خواتین کو بااختیار بنانے کی کوششیں، خواتین سے متعلق جرائم پر فوری کارروائی کو سب سے اوپر رکھا۔ یہاں تک کہ 2023 کے اسمبلی انتخابات کے لیے حمل کی مدت میں ہونے کے بعد بھی وہ تقریباً ہر پولنگ بوتھ کا دورہ کرتی نظر آئیں۔
آپ کی معلومات کے لیے بتاتے چلیں کہ اس وقت وہ 8 ماہ کی حاملہ ہونے کے باوجود رات کے وقت کومبنگ پٹرولنگ، سنگین جرائم کی صورت میں جائے وقوعہ کا دورہ اور محکمانہ کام کر رہی ہیں۔
قابل ذکر ہے کہ ایسی صورتحال اور اس حالت میں خواتین عموماً ڈاکٹر کے مشورے پر آرام کرتی ہیں لیکن اس کے باوجود بھی وہ پیدل علاقے میں مسلسل گشت کرتی ہیں جبکہ اس حالت میں گاڑی کے اندر اور باہر نکلنے میں دشواری ہوتی ہے۔ ایسے میں ان کے جذبے کو سلام اور انہیں آئرن لیڈی کہا جائے تو مبالغہ آرائی نہ ہو گی۔
NEWS & ADVERTISMENT CONTACT 9880736910
NEWS & ADVERTISMENT CONTACT 9880736910
NEWS & ADVERTISEMENT CONTACT 9880736910
0 تبصرے