مودی کی آج تیسری میعاد کیلئے وزیر اعظم کی حیثیت سے حلف برداری
نئی دہلی9جون ( نامہ نگار )نریندر مودی کی تیسری مدت کیلئے ہونے والی حلف برادری تقریب کو بی جے پی یادگار بنانا چاہتی ہے، جس کے لیے اس نے دنیا بھر سے 8 ہزارمہمانان کو شریک کرانے کا پروگرام ترتیب دیا ہے۔ نریندر مودی کی حلف برداری کے لیے اتوار 9 جون کی تاریخ طے کی گئی ہے اور اس تقریب میں کئی ممالک کے رہنما بھی شامل ہوں گے۔ اس ضمن میں خاص بات یہ ہے کہ ہندوستان کے پڑوس اور بحرہند کے علاقے کے لیڈران کو خاص طور پر مدعو کیا گیا ہے، ساتھ ہی اس تقریب میں صفائی مزدور، خواجہ سرا اور عام مزدور بھی شریک ہوں گے۔بیرونِ ممالک کے جن لیڈران نے نریندر مودی کی تقریب حلف برداری کا دعوت نامہ قبول کر لیا ہے ان میں سری لنکا کے صدر رانیل وکرم سنگھے، مالدیپ کے صدر ڈاکٹر محمد معیزو، سیشلس کے نائب صدر احمد عفیف، بنگلہ دیش کی وزیر اعظم شیخ حسینہ، ماریشس کے وزیر اعظم پرویند کمار جگناتھ، نیپال کے وزیر اعظم پشپ کمل دہل 'پرچنڈ' اور بھوٹان کے وزیر اعظم شیرنگ توبگے شامل ہیں۔ حلف برداری تقریب میں شرکت کے علاوہ یہ لیڈران اسی شام راشٹرپتی بھون میں صدر دروپدی مرمو کی طرف سے دی جانے والی ضیافت میں بھی شامل ہوں گے۔ چہارشنبہ کو مالدیپ کے صدر محمد معیزو نے نریندر مودی کو لوک سبھا انتخابات میں کامیابی پر مبارکباد دی تھی۔ واضح رہے کہ محمد معیزو کو چین نواز سمجھا جاتا ہے اور اگر وہ ہندوستان آتے ہیں تو صدر بننے کے بعد یہ ان کا پہلا ہندوستان کا دورہ ہوگا۔ محمد معیزو گزشتہ سال صدر بننے کے بعد ترکی اور چین کا دورہ کر چکے ہیں۔نریندر مودی کی تقریب حلف برداری کے مہمان خصوصی صفائی کارکن، مزدور، خواجہ سرا، مرکزی حکومت کی اسکیموں سے فائدہ اٹھانے والے 'لابھارتی' اور 'وکست بھارت' (ترقی یافتہ ہندوستان) کے ایمبیسڈر ہوں گے۔ اتوار کی شام 7.15 بجے نریندر مودی تقریباً 8000 مہمانان کی موجودگی میں تیسری میقات کے لیے وزیر اعظم کے طور پر حلف لیں گے۔ تقریب حلف برداری میں درجنوں ممالک کے سفیر اور ہائی کمشنرز بھی شرکت کریں گے۔ اس کے علاوہ صنعت اور دیگر شعبوں سے تعلق رکھنے والی نامور شخصیات کو بھی تقریب میں مدعو کیا گیا ہے۔ مہمانوں کی آمد کا سلسلہ ہفتہ سے شروع ہو گیا ہے ۔ تقریب کے لیے سیکورٹی کے وسیع انتظامات کیے گئے ہیں۔ تمام مہمانوں اور پنڈال کو تین لیئر کے حفاظتی حصار میں رکھا جائے گا۔ جمعرات سے راشٹرپتی بھون کے آس پاس کے علاقے میں سیکورٹی بڑھا دی گئی ہے جبکہ سنٹرل ریلوے کے ذریعے دی گئی معلومات کے مطابق ایشیا کی پہلی لوکو پائلٹ سریکھا یادو بھی نریندر مودی کی تقریب حلف برداری میں شرکت کریں گی۔
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 988
NEWS & ADVERTISMENT CONTACT 9880736910
NEWS & ADVERTISEMENT CONTACT 9880736910
NEWS & ADVERTISEMENT CONTACT 9880736910
NEW & ADVERTISEMENT CONTACT 9880736910
NEWS & ADVERTISEMENT CONTACT 9880736910
0 تبصرے