گجرات میں سوائن فلو نے مچا ئی تباہی، دو ماہ میں 22 افراد ہلاک

گجرات میں سوائن فلو نے مچا ئی تباہی، دو ماہ میں 22 افراد ہلاک

احمدآباد 14 دسمبر ( ایجنسی)۔گجرات میں سردیوں میں اضافے کے ساتھ ہی سوائن فلو کے کیسز میں اضافہ ہوا ہے۔ ریاست میں گزشتہ دو ماہ سے سوائن فلو نے تباہی مچا رکھی ہے۔ مرنے والوں کی تعداد میں بھی مسلسل اضافہ ہو رہا ہے۔ ریاست میں گزشتہ دو مہینوں میں سوائن فلو کی وجہ سے 22 لوگوں کی موت ہو چکی ہے۔ سوائن فلو کے لحاظ سے یہ اموات ملک میں دوسرے نمبر پر ہیں۔

ریاستی محکمہ صحت کے مطابق گجرات میں گزشتہ دو مہینوں میں سوائن فلو کے 386 معاملے درج کیے گئے ہیں۔ ان میں سے 22 لوگوں کی موت ہو چکی ہے۔ رواں سال اکتوبر تک سوائن فلو کے 1682 کیسز رجسٹرڈ ہوئے، جب کہ 55 افراد ہلاک ہوئے۔راجکوٹ سے موصولہ اعداد و شمار کے مطابق سردیوں میں اضافے کے ساتھ ہی یہاں موسمی بیماریوں کی شدت میں اضافہ ہوگیا ہے۔ گزشتہ 8 دنوں میں شہر میں نزلہ، کھانسی اور سانس لینے میں دشواری سے متعلق 2500 کیسز درج کیے گئے ہیں۔ اس کے علاوہ ڈینگو، ملیریا اور چکن گنیا کے 11 کیسز پائے گئے ہیں۔ شہر میں مچھروں کی وباءسے بیماریاں پھیل رہی ہیں۔ اس کے علاوہ سورت میں بھی کم و بیش یہی صورتحال ہے۔

سورت میونسپل کارپوریشن کے محکمہ صحت کے اعداد و شمار کے مطابق شہر میں بخار اور ڈینگو سے چار لوگوں کی موت ہوئی ہے۔ اس میں ڈینگی سے ایک بچے کی موت بھی شامل ہے۔ سوائن فلو کے حوالے سے ماہر ڈاکٹروں کا کہنا ہے کہ سوائن فلو کسی دوسرے شخص سے رابطے سے پھیلتا ہے۔ یہ بیماری متاثرہ شخص کے ہاتھ چھونے، چھینکنے، کھانسی وغیرہ سے دوسرے لوگوں میں پھیلتی ہے۔سوائن فلو گزشتہ سات سالوں میں دنیا بھر میں سب سے نمایاں موسمی فلو رہا ہے۔ اب پوری دنیا میں (بشمول ہندوستان) سوائن فلو کے زیادہ سے زیادہ کیس رپورٹ ہو رہے ہیں۔ ورلڈ ہیلتھ آرگنائزیشن (ڈبلیو ایچ او) نے اس بیماری کو وبائی مرض قرار دے رکھا ہے جس کی وجہ سے اب اس کے حوالے سے زیادہ سے زیادہ چوکسی کی ضرورت ہے۔ سوائن فلو یا ایچ -1این-1 فلو دراصل سانس کا عارضہ ہے اور یہ ایک قسم کے انفلوئنزا وائرس کی وجہ سے ہوتا ہے جو سوروں میں پیدا ہوتا ہے۔ اس کی ابتدا میکسیکو کی ریاست ویراکروز سے ہوئی اور جلد ہی پوری دنیا میں پھیل گئی۔ عام طور پر موسم سرما کے آغاز کے ساتھ ہی سوائن فلو کے کیسز بڑھ جاتے ہیں۔ عام موسمی فلو جیسی احتیاطی تدابیر اختیار کرنے کے علاوہ، سوائن فلو کو عام طور پر ہر سال ویکسین کروا کر روکا جا سکتا ہے۔

NEWS & ADVERTISMENT CONTACT 9880736910