گلبرگہ میں پیغام انسانیت فاؤنڈیشن کی جانب سے راشن پیکیجس کی تقسیم

گلبرگہ میں پیغام انسانیت فاؤنڈیشن کی جانب سے راشن پیکیجس کی تقسیم

گلبرگہ 26 مارچ ( نامہ نگار )مولانا محمدغوث رشادی کی اطلاع کے بموجب ماہ رمضان المبارک میں پیغام انسانیت فاؤنڈیشن،گلبرگہ کی جانب سے آج بتاریخ 26 مارچ 2025 دانش پیالیس، گورنمنٹ جی ڈی اے لے آؤٹ،عقب اے این بینکویٹ فنکشن ہال رنگ روڈ گلبرگہ میں مستحق اور غریب افراد کے درمیان راشن پیکیجس کی تقسیم عمل میں لائی گئی۔ حضرت مولانا عبدالحمید دانش صاحب باقوی،قاسمی و معارفی صدر پیغام انسانیت فاؤنڈیشن گلبرگہ کے ہاتھوں راشن پیکیجس کی تقسیم عمل میں آئی۔ اس موقع پر سلطان پٹیل صاحب رئیل اسٹیٹ، ساکن آزاد پور روڈ موجود رہے۔ راشن پیکیجس چاول، آٹا، مسوردال،مونگ دال،شکر، نمک، گرم مصالحہ، گھی،تیل، دھنیا پاؤڈر، ہلدی،سیویاں اور مغزیات پر مشتمل تھے۔ راشن پیکیجس کی تمام اشیاء و اجناس عمدہ اور معیاری تھیں جبکہ ہر پیکیج کا وزن 20 کلو سے زیادہ تھا۔ اس کار خیر میں سلطان پٹیل رئیل اسٹیٹ، محمدحسن چانداں،شیخ محمود رئیل اسٹیٹ، مولیٰ صاحب بیابانی، جناب عبدالصمد وظیفہ یاب،جناب محمد طاہر وظیفہ یاب،قاسم سیٹھ، جناب ناظم فاروق، انجینئرعبدالغفار وغیرہ نے بڑھ چڑھ کر تعاون کیا۔ راشن پیکیجس حاصل کرنے والے تمام غرباء و مستحقین نے تمام معاونین کو دعائیں دیں۔ پیغام انسانیت فاؤنڈیشن گلبرگہ کے صدر مولانا عبدالحمید دانش قاسمی نے اس کارخیر کے تمام معاونین کا شکریہ ادا کیا ہے۔

NEWS & ADVERTISMENT CONTACT 9880736910