تلنگانہ میں 129 میونسپل کمشنروں کے تبادلے

تلنگانہ میں 129 میونسپل کمشنروں کے تبادلے

حیدرآباد 24 جون (ناز میڈیا ) تلنگانہ حکومت نے بلدی نظم و نسق میں اہم قدم اٹھاتے ہوئے ریاست کی بلدیات میں انتظامی سطح پر بڑے پیمانہ پر تبدیلیاں کی ہیں۔ اس سلسلہ میں ریاست کے 129 میونسپل کمشنروں کے تبادلے کیے گیے۔ذرائع کے مطابق تبادلہ کیے گئے افراد میں بعض کو ترقی دی گئی ہے جبکہ بعض کی کارکردگی تسلی بخش نہ ہونے پر ان کا تبادلہ کیا گیا ہے۔حال ہی میں آئی اے ایس اور آئی پی ایس عہدیداروں کے تبادلے کرنے والی کانگریس حکومت نے اب میونسپل کمشنرس کو ترقی دی ہے۔اس سلسلہ میں میونسپل سیکریٹری ڈاکٹر ٹی کے سری دیوی نے باضابطہ احکامات جاری کرتے ہوئے ایک ہی وقت میں 129 میونسپل کمشنروں کے تبادلے کر دیے ہیں۔انہوں نے واضح کیا کہ یہ احکامات فوری اثر کے ساتھ نافذ العمل ہوں گے۔اس تبدیلی کے تحت ورنگل میونسپل کارپوریشن میں ڈپٹی کمشنر کے طور پر خدمات انجام دینے والے ٹی راجیشور کو محبوب آباد کا میونسپل کمشنر مقررکیاگیا ہے۔

NEWS & ADVERTISMENT CONTACT 9880736910