ملعون راجہ سنگھ کی گستاخانہ تقریر کے خلاف مسلمانان ظہیرآباد کے وفد کی ڈی ایس پی سے شکایت

ملعون راجہ سنگھ کی گستاخانہ تقریر کے خلاف مسلمانان ظہیرآباد کے وفد کی ڈی ایس پی سے شکایت

ظہیر آباد8 اکٹوبر(پریس نوٹ)مسلمانان ظہیرآباد کے ایک وفد نے گوشہ محل ایم ایل اے ملعون راجہ سنگھ کے خلاف ظہیرآباد ڈی ایس پی مسٹر سعیدہ کو ایک تحریری شکایت پیش کی اور ملعون راجہ سنگھ کی نفرت انگیز تقریر کے خلاف ایف آئی آر درج کرنے اور قانونی کارروائی کرنے کی درخواست کی ہے۔شکایت میں بتایا گیا کہ ملعون راجہ سنگھ نے اندور، مدھیہ پردیش میں دسہرہ کے موقع پر اپنے خطاب کے دوران نبی کریم حضرت محمد ﷺ کی شان میں گستاخانہ کلمات ادا کیے، اس بیان کو انتہائی اشتعال انگیز، توہین آمیز اور سماجی ہم آہنگی کے لیے خطرناک قرار دیا ہے

وفد نے اپنی درخواست میں مؤقف اختیار کیا کہ اس طرح کے بیانات نہ صرف مذہبی جذبات کو ٹھیس پہنچاتے ہیں بلکہ ہندو اور مسلم برادریوں کے درمیان نفرت، بدامنی اور انتشار پھیلانے کی مذموم کوشش ہیں جن سے سماجی امن متاثر ہوتا ہے۔ مسلمانان ظہیر اباد کے وفد نے ڈی ایس پی سے مطالبہ کیا کہ وہ متعلقہ قانونی دفعات کے تحت ایم ایل اے راجہ سنگھ کے خلاف سخت کارروائی کریں تاکہ اس طرح کے بیانات کا سلسلہ بند ہو اور سماج میں بھائی چارہ و ہم آہنگی قائم رہے۔اس موقع پر سید شاہ فرحان قادری بغدادی نے میڈیا سے بات کرتے ہوئے کہا کہ کسی بھی مذہبی شخصیات اور مذہبی رہنما کی توہین ناقابلِ برداشت ہے اور قانون کو بلا امتیاز ان شر پسند عناصرکے خلاف سخت سے سخت کاروائی کرنی چاہیے تاکہ عوام کے دلوں میں انصاف اور امن پر اعتماد برقرار رہے۔اس تحریری شکایت کے موقع پر سید فرحان قادری بغدادی،حافظ محم عرفان امام و خطیب مسجد کملیہ، حافظ محمد حامد امام مسجد فاطمہ ،محمد محمود صوفی ،محمد سلیم حسین قادری، محمد رضا الرحمن ،محمد محفوظ رضوی ،محمود رضا ،محمد امتیاز ساقبی،محمد جنید ،محمد عظیم الدین اس کے علاوہ دیگر موجود تھے۔

NEWS & ADVERTISMENT CONTACT 9880736910